落雨聲

〈落雨聲〉　　江蕙                                    

 Lo̍h-hōo-siann[5]　　Kang Huī

落雨聲 若親像一條歌                             

Lo̍h-hōo-siann, ná-tshin-tshiūnn tsi̍t tiâu kua

啥人知影[a]　阮越頭毋敢看                    

  siáng tsai-iánn, gún ua̍t-thâu m̄ kánn khuànn

異鄉的我[b] 一个人起畏寒[c]             

  Ī-hiong ê guá, tsi̍t ê lâng khí uì-kuânn

寂寞的雨聲 捶阮心肝                              

 Siok-bo̍k ê hōo-siann, tuî gún sim-kuann

人孤單 像斷翅的鳥隻                               

Lâng koo-tuann, tshiūnn tn̄g-si̍t ê tsiáu-tsiah

飛袂行　敢講是阮的命                               

Pue buē kiânn, kám-kóng sī gún ê miā

故鄉的山 永遠攏徛佇遐                               

Kòo-hiong ê suann, íng-uán lóng khiā tī hia

阮的心情只有講予山來聽[d]                      

 Gún ê sim-tsiânn tsí-ū kóng hōo suann lâi thiann

來到故鄉的海岸                                         

Lâi kàu kòo-hiong ê hái-huānn

景色猶原攏總無變化                                         

Kíng-sik iu-guân lóng-tsóng bô piàn-huà

當初離開是為啥                                                

Tong-tshoo lī-khui sī uī siannh

你若問阮 阮心肝就疼                                 

Lí nā mn̄g gún, gún sim-kuann tiō thiànn

你若欲有孝序大毋免等好額[e]                 

 Lí nā beh iú-hàu sī-tuā m̄-bián tán hó-gia̍h

世間有阿母惜的囡仔　上好命                         

Sè-kan ū a-bú sioh ê gín-á, siōng hó-miā

出社會走傱咧佮人拚輸贏[f]                       

 Tshut siā-huē tsáu-tsông teh kah lâng piànn-su-iânn

為著啥　家己毋知影                                       

 Uī-tio̍h siannh, ka-kī m̄ tsai-iánn

你若欲有孝序大毋免等好額[g]                  

Lí nā beh iú-hàu sī-tuā m̄-bián tán hó-gia̍h

世間有阿母惜的囡仔上好命

Sè-kan ū a-bú sioh ê gín-á, siōng hó-miā

毋通等成功欲來接阿母蹛

M̄-thang tán sîng-kong beh lâi tsiap a-bú tuà

阿母啊　已經無佇遐

A-bú--ah, í-king bô tī hia

哭出聲　無人惜命命

Khàu tshut-siann, bô lâng sioh-miā-miā